அம்மாவும் நீயே அப்பாவும் நீயே...

அம்மாவும் நீயே அப்பாவும் நீயே

அன்புடனே ஆதரிக்கும் தெய்வமும் நீயே

(1)

பல்லுயிர்க்கும் உயிரளிக்கும் பரமன் நீயல்லோ

பல எண்ணில்லாத பொருளனைத்தும் படைப்போன் நீயல்லோ

அன்புடனே பாதம் அதை அண்டியே வந்தோம் – உன்

அமலத்திரு பாதமதில் சேர்ப்பாய் எம்மையே

(2)

எண்ணறியா நலமனைத்தும் படைப்போன் நீயல்லோ

எங்கள் யேசுவே உன் பெருமைதனை எண்ணலாகுமோ

முப்பொழுதும் நிறைந்தவனே முற்றுணர்வோனே – எங்கள்

தற்பரனே தயவுடனே காரும் எம்மையே

(3)

எங்கும் நிறை பொருளாக இருப்போன் நீயல்லோ – காணும்

எவ்வுயிர்க்கும் வாழ்வளிக்கும் ஈசன் நீயல்லோ

நீயல்லாது யார் துணையோ பூவில் யாவர்க்கும் – உம்

குளிர் நிழலை தந்தெம்மையே ஆள்வாய் நிதமே